朋友Sandy最近一個遭遇，多謝您，可是很心酸。
現在每次出街, 都會隨身帶備多幾個口罩, 以便不時之需, 送給有需要的人.
今日在街上見到一個揸住拐杖, 沒有戴口罩的伯伯, 見佢行路一拐一拐, 心諗, 就算佢想買口罩, 又點會夠啲後生仔去爭呢! 於是我走近去問他, 是否買不到口罩, 他神情帶點尷尬, 猶猶疑疑地回答我: eh....eh...eh..., 有㗎啦.... 我問伯伯, 你真係有? 伯伯又再猶猶疑疑地回答我: eh...eh...eh.....有.....有....有幾個係屋企嘅. 唔使啦! 唔使啦! 我再問佢, 咁你夠唔夠用㗎? 我隨身帶多左幾個, 用嚟幫人, 需唔需要多D? 之後伯伯垂下頭, 繼續猶猶疑疑地跟我說: 唔....唔....唔使啦! 為了不令伯伯尷尬, 於是我就話, 咁好啦, 咁你小心身體啦! 於是伯伯又再垂下頭, eh...eh....eh....其實你賣幾多錢一個? 我真係冇乜錢買啊! 聽到伯伯呢一句, 我立刻個心酸到不能夠形容😔 於是我跟伯伯講: 唔使錢㗎, 我個袋特登擺多幾個喺度, 就係用嚟幫老人家㗎! 於是我馬上喺個袋裏面攞咗兩個出嚟, 送比伯伯. 佢馬上不停對我鞠躬, 講咗好多次多謝😥
坦白講, 我嗰一刻真係覺得面對一個老人家, 真心受唔起呢一個禮. 心諗, 既然政府冇能力幫到我地, 照顧唔到基層家庭, 甚至乎已經被人忽略咗嘅老人家, 希望大家可以係呢個關鍵時刻, 能夠守望相助, 有能力嘅, 希望可以去幫助一吓有需要, 但又唔敢出聲嘅一羣, 比佢哋感受到人間還有情, 佢哋並冇俾人忽略到, 其實佢哋仲會有人去關心, 同留意佢哋.
其實老人家辛勞咗大半生, 應該好好咁安享晚年, 佢哋唔deserve為咗一個口罩而desperate到喊, 甚至乎壓力大到去嚎哭. 希望大家能夠互相幫助, 一齊去撐過疫情! 祝大家身體健康! God bless you! 🙏🏼
Search